મમતા

હ્રદયનાં ખૂણે, ખટકે વાત

તું આજે નથી હયાત!

 

તારો જ અંશ, તારોજ પિંડ હું

જન્મોજન્મ બનવા ચહું.. મા

અંદર બહાર તને સીવી લીધી, ને

આ જિંદગી મેં જીવી લીધી.. મા

 

તું મારી પળ પળ છો 

મારું આત્મબળ છો 

મારો પથ પ્રકાશ, અને માથે આકાશ પણ તું જ છો..

મારું સમગ્ર અસ્તિત્વ, ને પૂર્ણ વ્યક્તિત્વ તું જ..

 

તું જ પાલવની સુગંધ, મારી આંખોમાં બંધ

અને  

મારો આત્માનો અવાજ, મારી ખુદાની નમાજ તું..

શિવાલયે સવારની આરતી, સાંજની દીવાબત્તી પણ તું .

ખબર છે તને? 'દીકરી'માંથી જન્મી છે આજ...

એક 'મા'!