ઘણું બધુ થાય છે
ઘણું બધુ થાય છે
શું કંઈ થતું નથી અહીં,
અહીં ઘણુંબધુ થાય છે,
સવારે ઊગેલ સૂરજ,
સાંજે આથમી જાય છે...અહીં !
તરુવરેથી ગયેલ પંખીઓ,
સાંજે પાછા આવી જાય છે...અહીં !
ભરતીથી આવે પાણી અને,
ઓટથી ચાલ્યું જાય છે ...અહીં !
રાતે ટમટમતા તારાઓ,
સવારે ક્યાં સંતાય છે ? ...અહીં !
વસંતમાં ખીલેલા પાન,
પાનખરે ખરી જાય છે...અહીં !
ખળખળ વહેતી નદી,
સમંદરમાં સમાય જાય છે...અહીં !
પહાડોમાં પાડી બૂમો,
ત્યાં પડઘા સંભળાય છે...અહીં !
ક્ષણ ક્ષણને મારે ધક્કો,
ને આંખો મીંચાય જાય છે...અહીં !
મેં પણ ચીરી છાતી,
ત્યાં મારો રામ દેખાય છે...અહીં !