Mukesh Jogi

Others


Mukesh Jogi

Others


આપી દે

આપી દે

1 min 6.5K 1 min 6.5K

ફૂલને તું સુવાસ આપી દે,

મારો પાછો અવાજ આપી દે.


દોસ્ત ગઈકાલ જે હતો મારો,

સિંહનો એ મિજાજ આપી દે.


આજ ઊભો છું આયનાં સામે,

આંખમાં એ ઉજાસ આપી દે.


હાથ જોડી ફરી નહીં આવું,

તું પરત સૌ સવાલ આપી દે.


બાદ કર એક બે પ્રસંગોને,

શેષ વધતો હિસાબ આપી દે


પૂજવા મારે તો નથી પથ્થર,

ભીતરી એ પ્રકાશ આપી દે.


હાથથી છૂટતાં રહ્યાં "જોગી"

શ્ચાસ ને ઉચ્છવાસ આપી દે.


Rate this content
Originality
Flow
Language
Cover Design