હૃદયનાં એ દર્દની વાત લઇને આવ્યો છું

હૃદયનાં એ દર્દની વાત લઇને આવ્યો છું,

ભગ્ન શમણાંઓની જમાત લઇને આવ્યો છું.

 

એકલો ન પડું મહેફિલમાં એટલે આજે,

તાજા મળેલ 'ઘા'નો સંગાથ લઇને આવ્યો છું!

 

સમસ્યાઓના ભારથી નમાવ્યો ઘણો તેં પ્રભુ ,

કેટલો ઝુકયો? તેનો હિસાબ લઇને આવ્યો છું.

 

છિન્નભિન્ન કરવામાં બાકી ન રાખી કસર,

તોય લાગણીની ખુલ્લી કિતાબ લઇને આવ્યો છું.

 

જોઈ ન શકે નિતરતા આ પાંપણને કોઈ,

અંધકાર માટે આખી રાત લઇને આવ્યો છું.