રણ

દુઃખી થવાના અનેક કારણ મળ્યા, 

જ્યાં જ્યાં ગયા બધેજ રણ મળ્યા,

જે સંતાપો થકી આંખો વરસી તમારી, 

એ તેમને પણ મળ્યા, અમને પણ મળ્યા,

સાવ એકલો બેઠો ગણતો હતો જો, 

મને ખૂણેખૂણે સપનાના કણ મળ્યા,

આમ એકદમ ભૂલાય તો નહીં જ કોઈને, 

આંખો બંધી કરી ત્યાં યાદોનાં ધણ મળ્યા,

હોવું ના હોવું, મતલબ નથી હોતો જીવનમાં, 

નથી એ છતાં પણ, મને એ ક્ષણેક્ષણ મળ્યા,

કેટલીય યાદો સંકોરી લખી આ કવિતા મેં, 

પણ આ મનને વાંચનારા સાવ અભણ મળ્યા,

મારું કોણ છે ? આ જગતમાં વિચારતો હતો, 

આંખોએ જોયું સામે અને સામે દર્પણ મળ્યા.