બહેન
બહેન
1 min
335
અમે એક જ ઝાડની બે ડાળ, અમારુ લોહીનું અનુસંધાન છે,
બહેની મારી બહેન તો છે જ, સહેલી તણુ એ અભયદાન છે,
રમત ગમત, મોજ મસ્તીની દુનિયા, બહેન મારી જીંદગીની મસ્તાન છે,
પાટી પેનથી પેન ડ્રાઇવ સુધીના પાઠ, બહેન મારી 'મા' નું બહુમાન છે,
દુ:ખને હડસેલી દે મારાથી દૂર, બહેન મારી ખુશીઓની દરવાન છે,
બહેનો થતી હોય છે ‘અલગ’, પણ ‘લગોલગ’ રહેવાનું વરદાન છે,
બહેનની જગ્યા લઇ શકે ના કોઇ, બહેન જીંદગીનું આસમાન છે,
આ જ બહેન મળે જન્મોજનમ, એવા મારા અંતરના અરમાન છે.