આવે
આવે
1 min
7.0K
હવે કયાંથી એ શબરી બોર આવે?
કળીયુગમાં તો કંટક થોર આવે.
ના સમજો, જાણતું કોઈ નથી કાંઈ,
છુપેલી વાત ચારેકોર આવે.
કહો ને બંધ કરવા કયાં કમાડો?
હવે સપનામાં ડાકૂ ચોર આવે.
એ લોકોને કહો પણ શું તમે યાર,
હો ખુદનું કામ તોયે જોર આવે.
અહોભાગ્ય ગણું કે ભરઉનાળે,
કળા કરવાને આંગણ મોર આવે.
એ વાર્તાથી હજુ કંપું છું આખો,
દિવાલોમાંથી જ્યારે શોર આવે.
ઉદાસી મારા મુખ પર જોઈ રાતે,
માનાં પાલવની ભીની કોર આવે.