શ્ચાસ પણ ચાલુ છે

ધડકે છે હજુ હ્રદય ને શ્ચાસ પણ ચાલુ છે,

જીવે છે શરીર એટલે નાળ પણ ચાલુ છે.

માહ્રલો તો મરી પરવાર્યો છે કયારનો જોને, 

ભટકી રહ્યું છે જે, એ પીંજર પણ ખાલુ છે.

કરે છે માનવ અહંકાર જેનો જુઓને કેવો;

એ રૂપ ને રૂપિયાનું અભિમાન પણ ઠાલુ છે.

કણસી રહી છે આ કુળ-કપટ જોઈને કેવી, 

માનવતાને જો એના અંતર પર પણ છાલુ છે.

સુવર્ણ ઈતિહાસ સ્વદેશનો ભૂલી ભણાવે, 

ભણતર વિદેશનું આ શિક્ષણ પણ નિરાલું છે.

ખટકે છે અમોને તો ખુમારી વગરના જગતમાં, 

છતાંયે જીવવું પડે શું થાય જીવન પણ સાલું છે.

સંસ્કૃતિ,સંસ્કાર ને શરમ ભૂલી 'સતીષ' જો,

ઉભરી છે બેહદ લાગે આ જાત પણ કાલુ છે.