Quotes New

Audio

Forum

Read

Contests


Write

Sign in
Wohoo!,
Dear user,
ગુલમ્હોર મ્હોર્યા એટલે...
ગુલમ્હોર મ્હોર્યા એટલે...
★★★★★

© Ramesh Parekh

Inspirational Classics

1 Minutes   132    4


Content Ranking

છાપરાં રાતાં થયાં ગુલમ્હોર મ્હોર્યા એટલે,

માર્ગ મદમાતા થયા ગુલમ્હોર મ્હોર્યા એટલે.

આંખની તો વાત ના પૂછો કે એને શું થયું,

દ્રશ્ય સૌ ગાતાં થયાં ગુલમ્હોર મ્હોર્યા એટલે.

બાધી ના બંધાઈ કંચુકીમાં એની પોટલી,

વક્ષ ચડિયાતાં થયાં ગુલમ્હોર મ્હોર્યા એટલે.

વાયુ અણિયાળો થયો તેની ય ના પરવા કરી,

મન ઉઝરડાતાં થયાં ગુલમ્હોર મ્હોર્યા એટલે.

આ ગલીમાં, ઓ ગલીમાં આ ઘરે, ઓ મેડીએ,

જીવ વહેરાતાં થયાં ગુલમ્હોર મ્હોર્યા એટલે.

શબ્દકોશો ને શરીરકોષોની પેલે પારનાં-

પર્વ ઊજવાતાં થયાં ગુલમ્હોર મ્હોર્યા એટલે.

કઈ તરફ રહેવું અમારે, કઈ તરફ વહેવું રમેશ?

ભાન ડહોળાતાં થયાં ગુલમ્હોર મ્હોર્યા એટલે.

ગુલમ્હોર મ્હોર્યા આંખ કવિતા

Rate the content


Originality
Flow
Language
Cover design

Comments

Post

Some text some message..