તું હતી તો
તું હતી તો
1 min
14K
તું હતી તો આગમાં કૂદ્યા હતા
તું ગઈ તો છાંયડે દાઝ્યા હતા
તું હતી તો છત વગર મલક્યા હતા
તું ગઈ તો ઓરડા ડંખ્યા હતા
તું હતી તો હાથમાં દરિયા હતા
તું ગઈ તો છીપલા વીણ્યા હતા
તું હતી તો જળ વગર મોહર્યા હતા
તું ગઈ તો જળમાં કરમાયા હતા
તું હતી તો સાંકળે ખખડ્યા હતા
તું ગઈ તો ભીંતમાં બોલ્યા હતા
તું હતી તો ભીડમાં દોડ્યા હતા
તું ગઈ તો એકલા હાંફ્યા હતા
તું હતી તો ભૂખને ભેટ્યા હતા
તું ગઈ તો ભાવનાં ભૂખ્યા હતા
તું હતી તો શબ્દ શરમાયા હતા
તું ગઈ તો કાવ્ય નીપજાવ્યા હતા
તું હતી તો જીવવું ભૂલ્યા હતા
તું ગઈ તો ભૂલવા જીવ્યા હતા