વાદળોની સવારી.
વાદળોની સવારી.
1 min
174
એ દ્રશ્ય પર નજર પડતાં
આંખ ચોળી શું આ સત્ય ?
અજબ દ્રશ્ય હતું નજર સામે,
વૃક્ષો પર ઉગ્યા કે ઉતરી આવ્યા,
શ્વેત રૂ જેવાં વાદળો,
વાદળોની પાર ઉડતાં વિહંગો,
અદ્ભૂત કુદરતની કરામત,
આ અદ્ભૂત ક્ષણો,
વાદળોની આરપાર થઈ.
આભ પર પહોંચવા,
એક સીડી મૂકી,
હળવે હળવે પગથિયાં ચડી
પહોંચી ગયો વાદળો પર.
જાણે વાદળોની સવારી
અને જાણે
મળ્યો સ્વર્ગનો દરવાજો.
પણ,
એતો ભાગ્યશાળી જ
ખોલાવી શકે ને ?
આતો કુદરતની કરામત,
માનવ સહજ કુતૂહલથી,
આભે ચડી જોયો,
દુનિયાનો નજારો,
અચાનક,
પગથિયાં ઓગળ્યા હવામાં,
અને મન થયું,
જો વિહંગો સાથે,
ઊડું વિહંગ બની,
હા ! તો.. તો...
ત્યાં તો..
ધડામ.. અવાજ સાથે
થયો ધડાકો,
ખાટ પરથી નીચે,
અને આંખ પીડા સાથે ખૂલ્લી.
ઓહ!
આતો સ્વપ્ન હતું,
જો એ સાચું પડે,
પડી શકે ?