કચકડે મઢેલ સ્મિત
કચકડે મઢેલ સ્મિત
1 min
6.6K
એક આવરણ કચકડે મઢેલું સ્મિત જ ને!
એક સ્મરણ મનમાં ગવાયેલું ગીત જ ને!
એક અનેરી ચમક આંખોમાં દેખાઈ આવી,
કાંઈ કહેવાય શુ બીજું આખરે પ્રીત જ ને.
હજુ કેટલા ખમવાના આવા કૈક ઘાવ મર્મવેધી,
ઘાવ આપતાય કહેવાતું પોકળ હિત જ ને!
છે આખરે તો સવાલ દેખાતો ચહેરે ચહેરે અહીં,
બસ આપવું તો આખરે મધુરું સ્મિત જ ને!
છે તાકત બેઠો થાઉં રાખ મહીં ફરી અલગારી,
હારમાં પણ જોવાય તો આખરે જીત જ ને.