મૃત્યુચીસ
મૃત્યુચીસ
રામધણીનાં રખવાળાંમાં
હવે અમારે નહિ બળવાનું
નહિ બળવાનું... નહિ, બળવાનું...!
પંડની પાંચે પુરવણીમાં
હવે અમારે નહિ જળવાનું
નહિ જળવાનું... નહિ જળવાનું..!
કાગડા ઠોલી ઠોલી ખાશે,
ગીધડાં લોહી પીતાં જાશે,
વગડા વચ્ચે રઝળપાટમાં,
મડદું કેવું ગંધ મારશે,
વચગાળાની પુરવણીમાં,
હવે અમારે નહિ રડવાનું
નહિ રડવાનું... નહિ રડવાનું... !
દોષ તપેલા શાને ભરવા,
અવળા સવળા મોઢા કરવા,
હાય.. હાય..ની હૈયા હોળી,
મોંઘમૂલી વાતમાં ફરવા,
જાતજાતની સરવાણીમાં,
હવે અમારે નહિ પડવાનું .
નહિ પડવાનું... નહિ પડવાનું ...!
જાતમાં દીવો જલતો રાખી,
રામ રખોપા સાચા ચાખી,
અંદરના ઓરડીયે ખોટી,
આંટી ઘૂંટી ભો માં ડાટી,
ખળખળતી મીઠી વાણીમાં,
હવે અમારે ખળખળવાનું,
ખળખળવાનું.... ખળખળવાનું....!