ખુમારથી

ઢળતી રહી છે આંખડી મયના ખુમારથી

હૈયે મચલતી લાગણી લયના ખુમારથી.

 

આગળ ભરીને બે કદમ પાછા વળાય ના,

પગલાં ડરેલાં લાગતાં ભયના ખુમારથી.

 

નજરો નજરના કામણો ઘેલા કરી જતાં,

નાચી રહેલું મન થતાં જયના ખુમારથી.

 

આંખે વસેલી રુપની હસતી નજાકતો,

રમતી જવાની જોશમાં વયના ખુમારથી.

 

શાયદ મિલનની આરજુ રમતી હ્રદયમહી,

જુમી રહેલી જિંદગી લયના ખુમારથી.

 

ખુશ્બુ લચકતા બાગની માસૂમ નશા ભરી,

રંગત ચમનની ફોરતી શયના ખુમારથી.