ઉદાસી આંખોની.
ઉદાસી આંખોની.
1 min
7.0K
ઉદાસી આંખોની કેટકેટલું કહી જાય છે.
તેમછતાં ઉરભંડારે કેટલુંક રહી જાય છે.
શબ્દોની નથી મોહતાજ લાગણી આખરે,
છૂપાવી અંતરે એ કેટકેટલું સહી જાય છે.
નૈન પણ સારી અશ્રુઓ અભિવ્યક્ત થતાં,
જીહ્વા પણ કહેવાનું કેટકેટલું ચૂકી જાય છે.
અનુભવ સઘળા વાણી બની ના વિરમતા,
સુષુપ્ત મન વણલખ્યું કેટલું સંઘરી જાય છે.
આ વાત થૈ આદમથી આદમી સુધીની હતી,
પશુપક્ષી કે વૃક્ષમાં ઘટના એજ ઘટી જાય છે..