ભ્રષ્ટ્રાચાર

*તરહી પંક્તી કવિ શ્રી ગની દહીંવાલા સાહેબ

 

તમે રિશ્વત લીધી ઈમાનદારી ઠુકરાવી ને

નવી રીતે હસી લીધું અમે આંસુ વહાવીને.*

 

તમે રિશ્વતને બસ ભેગી કરી પુંજી વધારી છે,

નથી લીધી ડકારો પણ તમે રૂપિયા ચાવીને.

 

અગર રિશ્વત ન આપો તો કરે છે કોઈ પણ ક્યાં કામ,

અને રિશ્વત જો આપો તો કરે આદર વધાવીને.

 

જો ભણવાને પ્રવેશોની કતારો ખુબ લાંબી છે,

પ્રવેશો પણ મળે ત્યારે ત્યાં ડોનેશન લખાવીને.

 

આ ભ્રષ્ટાચાર ને નાબૂદ કરવાની ફક્ત વાતો,

ભરી લીધા કબાટો વાત મનમાંથી ફગાવીને.

 

કહું હું કેમ આ ભારત અમારો દેશ બાપુનો,

બધા છે ખુશ બસ નોટો તિજોરીમાં સજાવીને.

 

કહે છે "મિત્ર" ભારત દેશ તો છે મુજ ને વ્હાલો,

રહી ગઈ વાત એ ખાલી આ ગઝલોમાં રચાવીને.