છપ્પન ભોગ જીહાં
છપ્પન ભોગ જીહાં
છપ્પન ભોગ જીહાં, કવણ તાંદુલ તિહા ?
આપતા ઉર સંકોચ આવે,
જોઈએ સરવા તે આવી મળે કૃષ્ણને,
તાંદુલ ભેટ તે તુચ્છ કહાવે. – છપ્પન.
ધાઈ લીધા હરિ, મુષ્ટિ તાંદુલ ભરી,
પ્રેમે આરોગીયા તૃપ્તિ પામી,
ઈન્દ્ર કુબેરથી અધિક વૈભવ કર્યો,
ઋકમાણીએ કર ગ્રહયો શીશ નામી – છપ્પન.
એક રહ્યા અમો , એક બીજા તમો,
ભક્તને અઢળક દાણા કરતા,
પ્રેમદાએ પ્રીતના વચન એવા કહ્યા,
હાથ સાહયો ત્રીજી મુઠ્ઠી ભરતાં – છપ્પન.
વીનતાના વચન તે વિપ્ર સમજ્યો નહીં,
ચાલવા ઘર ભણી શીખ માગી,
નરસૈને નાથે જઈ દ્વાર વેળાવિયો,
માના તણી આરત સર્વેભાગી. – છપ્પન.