રંગ ઉછળતા મોજા
રંગ ઉછળતા મોજા
1 min
13.3K
રંગ ઉછળતાં મોજાં જેવું, આંખે ભાળ્યું એવું શું છે ?
દરિયાનું પાણી છે ધોળું પાણીમાં આ શું રેલાયું એવું શું છે ?
છેક ભીતરે કેદ થઈને છીપલું જાણે સદીઓથી સુતેલું લાગે
મીઠું કરીને પીતી ઓલી માછલીઓને જળ ન ખારું લાગે
રંગ રંગમાં રેલાયેલું મૃગજળ પાયું એવું શું છે ?
રંગ ઉછળતાં મોજાં.......
મોજાં ઉછળે વાંભ વાભનાં એકાકી આ તટની રેલી
સાવ સૂની છે પગદંડી ને અંદર અગણિત તાલાવેલી
મોરપિચ્છ માથે ઓઢેલું પચરંગી પથરાયું એવું શું છે ?
રંગ ઉછળતા મોજા.......