લય...

દ્રષ્ટી લય કર્મ લય અહીં હર નિર્ણય લય  

છે શ્વાસ-ઉછ્વાસ ને હર કદમ જ્યાં લય          

લયની શું વાત કરું હર નિર્લયમાં ગોતું લય  

ના સમજ નહીં સમજે આ અસ્તિત્વની લય

   

રવિ-શશી ને સિતરાય સમજે છે ઍની લય

ને રત્નાકરની રવાની છે રમતિયાળ લય

ટાઢ-તડકાને અનુસરે તરતજ ભીની લય

નીરખે નયન આ મેઘ-ચાપ મહીં રંગાલય

 

લય મય જીવન ચિન્મય ને હું ઍમા તન્મય  

નથી લય અમીમય તો તો છે ઍ પથ-પ્રલય  

લયમાં"પરમ"લીન હું લણું "પાગલ" પ્રભુ-લય

આ લય મય જીવન જ જાણે શ્રેષ્ઠ કાર્યાલય

 

મદિરાલયમા પણ સાંપડી શિવાલયની લય

જો દેવ મુજમાં વિલય તો હું જ અહીં દેવાલય

 

-રચનાકાર...ગૉરધનભાઈ વેગડ (પરમપાગલ)