Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Himal Pandya

Others

4  

Himal Pandya

Others

ગઝલ છે કે પ્રાણવાયુ

ગઝલ છે કે પ્રાણવાયુ

1 min
13.3K


મેં ઘણી વાર એ વિચાર્યું છે;
કે વિચારીને કોણ ફાવ્યું છે?
 
ક્યાં સમય પાસે કાંઈ માંગ્યું છે?
ભાગમાં આવ્યું એ સ્વીકાર્યું છે;
 
આંગળી ઝાલી કોઈની ચાલ્યા!
એટલે આટલે અવાયું છે;
 
દોસ્તોના ખભા મળ્યા એથી,
 
ન મૂકીને રડી શકાયું છે;
 
કાંકરા નાખતા રહ્યા લોકો!
તળ એ કારણથી ઊંચું આવ્યું છે;
 
આંકવું મૂલ્ય એનું રહેવા દો!
પોત છે શબ્દનું, સવાયું છે;
 
એ જીવાડે છે રોજ આપણને,
આ ગઝલ છે કે પ્રાણવાયુ છે?
 
દાદની બહુ અપેક્ષા ના રાખો;
આ બધું પહેલા પણ લખાયું છે.


Rate this content
Log in