મારી આ વેદના
મારી આ વેદના
1 min
10.9K
અગણિત છે સંભારણા હું છુપાવીશ ક્યાં,
હૈયાની મારી આ વેદના, હું સંતાડીશ ક્યાં ?
હતો જે સાથ તારો તે રહ્યો નથી હવે,
આંસુ સારતા પડછાયાને, હું દોડાવીશ ક્યાં ?
સૂરો બન્યા બધા બેસુરા તારા ગયા પછી,
રંગોની રસઝરતી મહેફીલ, હું જમાવીશ ક્યાં?
આભ તો બન્યું છે અદ્રશ્ય આખુ અચાનક,
કપાયેલી મારી પાંખોને, હું ફેલાવીશ ક્યાં ?
સામે દેખાતું નથી કોઇ અભિવાદન ઝીલનાર,
ધ્રુજતા હાથોને 'જશ', હું હલાવીશ ક્યાં ?