વરસાદ ન આવે
વરસાદ ન આવે
1 min
6.5K
એનુ મન થાય તો આવે, એમ કાંઇ વરસાદ ન આવે,
બોલાવવો હોઇ ઈ બોલાવે, એમ કાંઇ વરસાદ ન આવે.
લીલેરી ચાદરને તમે પ્લાસ્ટિકથી મઢાવો;
ને પછી કહો કે તમે આવો, એમ કાંઇ વરસાદ ન આવે.
ટીટોડીને ભલે ઉંચા ગઢ પર ચઢાવે
તો'ય ટીપૂંય હાથમાં ન આવે, એમ કાંઇ વરસાદ ન આવે.
પેલો ચાતક ડોક ભલે આભલે મંડાવે,
તો'ય મોરને ટહૂકે રોવડાવે, એમ કાંઇ વરસાદ ન આવે.
કોઈ હાર, કોઈ દીપ, કોઈ નાળિયેર ચઢાવે,
તો'ય વાદળ ખાલી ગગડાવે, એમ કાંઇ વરસાદ ન આવે.