સ્મશાન
સ્મશાન
1 min
13.6K
જીવનયાત્રાનો અંતિમ મુકામ એ સ્મશાન.
નાનાં મોટાં સૌને જવાનું તમામ એ સ્મશાન.
રાયરંકના ભેદ ત્યાં કદી નથી હોતા વળી,
દેહના વિલિનીકરણનું હોય કામ એ સ્મશાન.
પંચમહાભૂતમાં ભળી જાય છે રાખ થૈને,
જીવ ગુમાવે પોતાનું જ્યાંથી નામ એ સ્મશાન.
ચોળે ભભૂત નાથભોળા લૈને શબની રાખ,
શિવમાં જીવ ભળે છે બસ આમ એ સ્મશાન.
જાગે વૈરાગ્ય ક્ષણિક જીવતાંને જોયા પછી,
ગૃહાગમને આચરણ આમનું આમ એ સ્મશાન.
કોઈ તાંત્રિક કે વિદ્યામેલીના સાધકને સહાયક,
આખરે ના મળતું એને વૈકુંઠધામ એ સ્મશાન.