હૃદય આજ ગાઈ રહ્યું છે
હૃદય આજ ગાઈ રહ્યું છે
હૃદય આજ ગાઈ રહ્યું છે સજણ તારી પ્રીતમાં,
રહેજે રે જનમોજનમ, તું સજણ મારા સંગમાં;
હૃદય આજ ગાઈ રહ્યું છે...
ખરૂં રે નસીબ એનું જે રહ્યું કાજળ તારી આંખમાં,
હોઠો પર સજાવી દે મને, રાખી લે તારા સ્મિતમાં;
હૃદય આજ ગાઈ રહ્યું છે...
સૌભાગ્ય ઘણું એનું જે ઝૂમે ઝુમ્મર તારાં કાનમાં,
કંકણ બનાવી દે મને પહેરી લે તારા હાથમાં;
હૃદય આજ ગાઈ રહ્યું છે...
ઇર્ષા આવે છે એની જે વસે ગજરો તારા વાળમાં,
ધડકન માની લે મને વસાવી દે તારા ઉરમાં;
હૃદય આજ ગાઈ રહ્યું છે...
પ્રીત, પ્રેમ, પ્રિયતમા શું ઉમેરું હું તારા નામમાં,
ગીત ગણી ગાઇ લે મને વહાવી દે તારા કંઠમાં;
હૃદય આજ ગાઈ રહ્યું છે...