Quotes New

Audio

Forum

Read

Contests


Write

Sign in
Wohoo!,
Dear user,
ઓ રાણા ! જીવનો સંગાથી
ઓ રાણા ! જીવનો સંગાથી
★★★★★

© Meerabai Sant

Classics

2 Minutes   69    3


Content Ranking

ઓ રાણા ! જીવનો સંગાથી હરિ વિણ કોઈ નથી…

મારે પ્રભુ ભજવાની હામ રે, મારે હરિ ભજવાને હામ રે, જીવનો૦

ઓ રાણા ! એક રે ગાયને દો દો વાછડાં,

તોય એના જુદારે જુદા લેખ

એક રે બન્યો શિવજીનો પોઠિયો,

બીજો ફરે ઘાંચીડાને ઘેર… જીવનો૦

ઓ રાણા ! એક રે માટીનાં દો દો માટલાં,

તોય એના જુદારે જુદા લેખ

એક ને માટાલું જસોદા માતનું,

બીજું દીસે કલાલને ઘેર... જીવનો૦

ઓ રાણા! એક રે વેલાને બે બે તુંબડાં,

તોય એના જુદા રે જુદા લેખ;

એક રે તુંબડું સાધુના હાથમાં,

બીજું રાવળિયાને ઘેર... જીવનો૦

ઓ રાણા ! એક રે માતાના દો દો બેટડા,

લખ્યા એના જુદા રે જુદા લેખ,

એક રે બેટડો ચોરાશી ધૂણી તપે,

બીજો ઘૂમે લખચોરાશી ફેરા માંહ્ય… જીવનો૦

ઓ રાણા ! એક રે વાંસની દો દો વાંસળી,

તોય એના જુદા જુદા લેખ;

એક રે વાંસળી કાનકુંવરની,

બીજી વાગે વાદીડાને રે ઘેર… જીવનો૦

ઓ રાણા ! ગુરુને પ્રતાપે મીરાં બોલિયાં,

દેજો અમને સંતોના ચરણોમાં વાસ. જીવનો૦

રાણા વાંસળી મીરાંબાઈ old classic

Rate the content


Originality
Flow
Language
Cover design

Comments

Post

Some text some message..