સહારો
સહારો
કેમ કરીને હું કહું એ સળગતા સૂરજ ની વેદના,
એનેય કદી સંતાવા માટે સહારો ઝાકળનો જોઈએ,
સંચય શક્તિનો જુવો કદી આ અસીમ આકાશમાં,
સહારો એને પણ કદીક હલકા વાદળનો જોઈએ,
ભવ્ય ભાવ ભીતરના કેમ કરી ઉતારું હથેળી ઉપર?
ઉતરાણ માટે એનેય એક સહારો કાગળનો જોઈએ,
જે દોસ્તો પાછળના રસ્તેથી અહી સુધી પહોંચ્યા,
મંઝીલ માટે હવે તો રસ્તો આગળનો જ જોઈએ,
મારે ઉડવું છે હવે "પરમ" મુક્તિના આકાશમાં તો,
છુટકારો હવે આ જુઠી "પાગલ" સાંકળથી જોઈએ.