ભીતરનો અંગારો

એક ઉમળકા પછી ઢીલા થયાં બધાં જ ધબકારો,

પડી ગયો ટાઢો હવે ભીતરનો સળગતો અંગારો.

જેવી આગ લાગી ભીતર એવી જ તરત ઓલવાઈ,

હવે રાખમાં કેમ ફંફોળું એની પ્રીતનો વરતારો.

ગયો એળે આ જન્મ મારો એક એની જ તલાશમાં,

લઈ આજીવન અમે અમારા જ એકાંતનો સહારો.

એ આવ્યા એ આવશે લઈને આવી જૂઠી એક આશ,

એક યુગ જેવડો થયો છે અમારી આંખોનો પલકારો.

ગલીઓ ગોકુળની ઉદાસ ને જમના લાગે ખારી ઝેર,

રાસ ન આવતો રુદિયાને જ રૂદિયાનો ધબકારો.

એક "પરમ" આશ પલી રહી અંતરે તુજ મિલનની,

"પાગલ" ક્યાં ગયા તારા બધા જ કોલ ને કરારો.