નિખાર
નિખાર
કસોટી હોય છે જીંદગીનો ભાગ, એને આપવાનો લલકાર હોય છે,
પડકારોને તો મર્દાનગીથી આપવાનો પડકાર હોય છે,
આટલી મોટી જીંદગીમાં, આવે છે કેટકેટલાય પડકારો,
ક્સોટીઓ તો પોતાની જાતને નિખારવાનો દ્વાર હોય છે,
ડગ માંડ્યો તો પછી ક્યારેય પારોઠના પગલા ભરવા નહીં,
કસોટીઓથી ડરનાર જીંદગીનો ગુનેગાર હોય છે,
કુદરત પણ આપતી હોય છે સાથ હંમેશા બહાદુરોનો,
સાચા માણસોને તો સાથ આપતો પરવરદિગાર હોય છે,
લડો જાંબાઝ થઇને, કસોટી સામેની લડાઇ આરપાર હોય છે,
કસોટી સામે ઝૂમતા ઝૂમતા ઝઝૂમવું, એ સાચા સંસ્કાર હોય છે.