યમરાજા

યમરાજ મનેં લેવા આવ્યા,

બોલ્યા ચાલ તારો સમય પૂરો થયો,

હું તો જવા તરત તૈયાર થઈ ગયો,

યમરાજ કે, હેડ ભાઈ જલ્દી !

હું બોલ્યો એમ ના ચાલે,

યમ કે, શું ના ચાલે ?

હું બોલ્યો, આખી જીંદગી વહી,

પણ અંતિમ ઇચ્છા તો અધૂરી રહી,

યમ કે, બોલ જલ્દી બોલ એટલે પતે,

હું બોલ્યો, એમ કંઈ પતે !

મારી બસો સાઈઠ કવિતાઓં સાંભળવી પડે,

તોજ આ દિલને શાંતિ વળે,

યમ કે, હું મારવા આવ્યો, મરવા નઈ,

તું અહીંયા જ રે, ઉપર તારું કામ નઈ,

મે કીધું ના ચાલે ઇચ્છા પૂરી કરો, કવિતા કાને ધરો,

યમ કે,એટલી ક્ષમતા નહિ મારી,

ઉપર લઈ જઉં તોય હેરાનગતિ ચાલુ રે તારી,

એતો ભાગ્યા !

હું બૂમો પાડતો રહ્યો સાંભળો તો ખરા ! યમરાજાતો જબરા,

એ યમરાજા હજુય મને લઈ જવાનું સપનું સીવે છે,

સાલું કવિઓથી યમરાજા પણ બીવે છે.