થવા ન દેતાં

અહંકાર મારો કદી વધવા ન દેતાં,

'હું' ક્યારેય 'હું જ' થવા ન દેતાં...

ઈચ્છાઓ ક્યારેય મારી અતિશય થવા ન દેતાં,

'વ્યવસાયમાં' ક્યારેય 'બંધન' થવા ન દેતાં...

ઈર્ષાનો ઉછેર વધુ થવા ન દેતાં,

'સંબંધીઓને' ક્યારેય 'હરીફ' થવા ન દેતાં...

લોભ એટલો જન્મવા ન દેતાં,

'પૈસો' ક્યારેય 'પરમેશ્વર” થવા ન દેતાં...

નફરત એટલી થવા ન દેતાં,

'દોસ્ત' ક્યારેય 'દુશ્મન' થવા ન દેતાં...

ચિંતા વધુ કરવા ન દેતાં,

'ગમ્મત' ક્યારેય 'ગંભીર' થવા ન દેતાં...

ખુદાથી બસ એટલી જ દુઆ,

'નાનાની' મજાની જિંદગીને સજાની જિંદગી થવા ન દેતાં...