હોવું જોઇએને

જાત જેવી હોય એવું,
ભાન હોવું જોઇએને,
આગના જેવું તનેએ,
માન હોવું જોઇએને.

કોઇ તમને સાત ભવનો,
હેત આપે શ્વાસ થઇને,
તો તમારું પ્રેમ જેવું,
વાન હોવું જોઇએને.

એમ રસ્તાઓ બધા ચાલી,
કદી સામે ન આવે,
મંઝિલોનુ પગ મહીં તો,
સ્થાન હોવું જોઇએને.

આમ ખાલી વંશજો ના,
કરણના થઇ જવાશે,
ટેક સાથે જિંદગીનું,
દાન હોવું જોઇએને.

ભીડમાં ઘોઘાટ થઇ ને,
રાડ શાને પાડવી,
સૌ દિલોમા ગાય એવું,
ગાન હોવું જોઇએને.

કાયમી સિર પર રહે,
જેનો નશો આ જિંદગી ને,
ખાસ પીણાનુ સદાયે,
પાન હોવું જોઇએને.

જિંદગી જેના થકી બરબાદ,
કરવાની બને છે ,.
એક એવું ખાસ પણ ,
ઇન્સાન હોવું જોઇએને .

કેમ દુઃખ  બાકી લઈને  ,
દરદને બદનામ કરતો,. .
ભાઇ દુઃખને વેઠવાનુ ,
ભાન હોવુ જોઇએને.

જો મહાપ્રસ્થાન લેવું,
હોય તારે જિંદગી થી,
તો તમારું આગવું એ,
રાન હોવું જોઇએને.

હોય ગાડી બંગલા,
ના હોય,તોયે ચાલશે,
પણ ,.
મોત પુરતું આપણું  ,
સામાન હોવું જોઇએને.