છું અહીં
છું અહીં
1 min
6.9K
લાગણીનાં પંથમાં કેવો ફસાયો છું અહીં;
બોજ નીચે પ્રેમનાં આજે દટાયો છું અહીં!
શું રહી ને ફાયદો સંસાર સાગરમાં હવે?
જાતથી મારી હવે હું ખુદ પરાયો છું અહીં!
ક્યાં હતો હું કવિ? જુઅો દોસ્તો દશા તો આ હવે;
વાદળો ઈર્ષા તણાને હું છવાયો છું અહીં!
અેક આશા નામની રાખી અમે પણ ખેલ જો;
ચોપડે આ આશિકીનાં હું છપાયો છું અહીં!
લાગણી રાખી હતી અનહદ "શરદ" મેં માનજો;
પ્રેમનાં આ માપમાં તો પણ મપાયો છું અહીં!