પિતા

પિતા:

પપ્પા આમ તો કહેવાય પ્રેમનો પા ભાગ

ના, એવું નથી... 

પુરુષ હૃદય રહ્યું એટલે મજબૂર

નાળિયેર ની જેમ બહાર થયો હોય કઠોર

અંદર થી એકદમ પોચા,

શબ્દોમાં કઠોરતા જરૂર નીતરે

પણ આંખો તો વ્હાલ જ વરસાવે

કઈ કેટલીયે ચિંતાઓ

કઈ કેટલીયે ફરજો

જવાબદારીઓ લઈ ને ફરે,

પણ હોતું હશે કે આપણે જાણી શકીએ?

કોણ જાણે ક્યાં છુપાવી ફરતા હશે

આમ જ બેઠા બેઠા વિચારું,

તો થાય કે આપણી કમાઈમાંથી 

તો જરૂરિયાત જ પૂરી થાય છે

મોજ શોખ તો પિતાના પૈસાથી 

પૂરા થયા. 

કેટલાય જતન કાર્ય હશે,

કેટલાય અરમાન મારી નાખ્યાં હશે,

પપ્પા જેવું કોઈ ના થાય

મારા પપ્પા વ્હાલા પપ્પા !