ખળખળ

લખવાનું બંધ કરવાં ચાહું છતાં લખું છું;
ખળખળ નિનાદ સાથે સરિતા સમો વહું છું.

હે મિત્ર; તારા કાજે હું જાગતો રહીને;
પળપળ પ્રણયના મંત્રો અમૃત ગણી શ્વસું છું.

કાજળ બનેલી રાત્રે સ્વપ્નો સજાવી સુંદર;
તવ આંખમાં સુસંગત શબ્દો સજી તરું છું.

ફળદ્રૃપ તારી માટી લીલાશ ઓઢી સોહે;
હું માત્ર એજ કારણ જ્વાળામુખી બનું છું.

વરસાદ ઓઢી લઉં છું છત્રી સમાન તો પણ-
ભીનો તને ય રાખું ફોરાં બની સ્રવું છું.