હું અહી એવા નશામાં
હું અહી એવા નશામાં
1 min
457
હું અહીં એવાં નશામાં ડૂબતો ચકચૂર છું.
યાદની આ વેદનાથી હું ઘણો ભરપૂર છું.
જેમણે આ હાથ ઝાલ્યો એ જ કાપીને ગયાં,
'ને નથી જો પાંખ મારે, હું હવે મજબૂર છું.
જોઇ લેવા દે મને કે આ જગતને ના ભલે,
જિંદગીને પણ હવે હું ક્યાં લગી મંજૂર છું?
હું જ મારી જાતમાં વ્યસ્ત રહું છું એટલે,
આ જમાનો કહે છે એવું હું ઘણો મગરૂર છું.
હું "ખુશી" જોવા તને આવ્યા કરું તારે નગર,
ત્યાંય હું સઘળા જ મયખાને હવે મશહૂર છું.