જાદુ છે કે છોકરી
જાદુ છે કે છોકરી
1 min
13.3K
રોજ સપનામાં જ આવી જાય છે,
દર્દ પાછાં એ જ વાવી જાય છે,
હોય પીડા એકલી તો જાળવું,
એ બધાં જખ્મો સજાવી જાય છે,
હું સવારે જાગવા ન માંગતો,
રોજ પાછી એ જગાવી જાય છે,
ક્યાંય ના દેખાય એ દિવસે કદી,
તોય પાછી એ સતાવી જાય છે,
જીતવા હું જેટલું મથ્યા કરું,
એ મને રોજે હરાવી જાય છે,
જાદુ છે કે છોકરી એ ના ખબર,
ઊંઘમાં પણ એ હસાવી જાય છે,
એમ પાછો હું ખુદાને ના નમું,
પણ હમેશાં એ નમાવી જાય છે!