ચાલો બધા તાળીઓ પાડો

આજે ચકલીએ બાંધ્યો છે માળો, 

ચાલો બધા તાળીઓ પાડો, 

દોરા તણખલાંથી સજ્જ આ મહેલ, 

એમાં ક્યાંય નહીં ખોટો દેખાડો...ચાલો બધા ! 

ઘરની શોભા બન્યો હવે એ માળો, 

કોઈ મહેમાન આવે ઘેર, તો બતાડો...ચાલો બધા ! 

હતું ઘર એકજ ને થયા એમાંથી બે, 

હવે પારેવડાંને, દાણા દઈ પ્રેમે જમાડો...ચાલો બધા ! 

જન્મશે નાનકડા જીવ અહીંયા, 

આ જીવ ને જીવથી સંભાળો...ચાલો બધા ! 

નાનકડા જીવો આશિષ ઈશ્વરના, 

ને તેને,હળવેકથી હેત દઈ રમાડો...ચાલો બધા !