Quotes New

Audio

Forum

Read

Contests


Write

Sign in
Wohoo!,
Dear user,
બંધ પરબીડિયામાંથી મરણ મળે તમને
બંધ પરબીડિયામાંથી મરણ મળે તમને
★★★★★

© Ramesh Parekh

Classics

1 Minutes   81    4


Content Ranking

બંધ પરબીડિયામાંથી મરણ મળે તમને,

બચી શકાય તો બચવાની ક્ષણ મળે તમને.

ટપાલ જેમ તમે ઘેર-ઘેર પહોંચો પણ,

સમસ્ત શહેરના લોકો અભણ મળે તમને.

ખજૂરી જેટલો છાંયો મળે – એ સિક્કાની,

બીજી બાજુય છે એવી કે, રણ મળે તમને.

વિખૂટું હોય છે તેને ભૂલી જવા માટે,

સમક્ષ હોય છે તેનું શરણ મળે તમને.

તમારા કંઠમાં પહેલાં તો એક છિદ્ર મળે,

પછી તૃષા ને પછીથી ઝરણ મળે તમને.

ઝરણ નહીં તો એના પ્રાસથી ચલાવી લ્યો,

અહીં અભાવનું વાતાવરણ મળે તમને.

જાવ, નિર્વીર્ય હે શબ્દો,તમોને આશિષ છે,

તમારા કલૈબ્યનું વાજીકરણ મળે તમને.

પરબીડિયા ટપાલી ખજૂરી રણ ઝરણ રમેશ પારેખ old classic

Rate the content


Originality
Flow
Language
Cover design

Comments

Post

Some text some message..