વરસાદનું આગમન

તોફાનનો પવનશો લહરે અમાપે

સંગે ઝુલે હરખથી તરુ આપઆપે

 

બાંધે અહીં ધુળ ઉડી વિહરાય વાદળ

જો જો! છવાય નભમાં ઘનઘોર કાજળ

 

આ દામિની ચમકતી ગરજે ડરાવે

ને મેઘપ્યાસ ધરતી તણી છે બુઝાવે

 

ભૃંગી કરે ભ્રમણ ફૂલ સમીપ ઝૂમી

પીતી પરાગઘરનાં રસ સત્વ ચૂમી

 

જ્યાંયે પડે નજર ને દિસતાં જ પાણી

ને ક્યાંક બાળક રમે જળ મોજ માણી

 

પંખી બધાં વિહરતાં મદમાં હવામાં

છોડી બધી ફિકરને થતું જે થવામાં

 

અલ્લાહ ને ઈશ અભેદ બની વધાવે

સૃષ્ટિ બધી જ નવચેતનને જગાવે.