ફાયર ફાઇટર
ફાયર ફાઇટર
જોઈએ છે, એક ફાયર ફાઈટર,
કે જે મા બાપના દિલમાં
લાગેલા દવ ને ઠારી શકે !
કેવી મજબૂરીને કેવી લાચારી,
ગોઝારી એ બળબળતી બપોર
મોતના કોળિયા સામે,
એકવીસ જિંદગી સાવ લાચાર.
તક્ષશિલા પરિણમ્યું હતું,
લાક્ષાગ્રુહમાં,
ચોમેર ચિચિયારી, ચીસ,
આક્રંદ ભૂલકાઓનું,
'બચાવો.બચાવો'ની આજજી ભરી ચીસો.
પથ્થર દિલના ઇન્સાનને પણ,
પીગળાવી દે,
બધાં જ લાચાર, નિઃસહાય,
વિશ્વની ઊંચી પ્રતિમા બનાવનારા આપણે,
ચાર માળ પહોંચે એવી સીડીના બનાવી શક્યા.
એટલા લાચાર આપણે,
આગની લપેટમાં બહાર,
જીવ હરણ કરતી અગન જ્વાળાઓ,
અંદર રૂંધાતો માસુમ અંધકાર.
પ્રભુ આ તે કેવો પ્રહાર !
અગ્નિશમનથી અગ્નિ તો સમેટાઈ ગયો,
પણ જેણે લાડકવાયા,
દીકરા દીકરી ગુમાવ્યા છે,
એમના મનમાં જે આગ લાગી છે,
તે આગ કોણ બુઝાવશે ?
સરકાર ? બિલ્ડર ? ભ્રષ્ટ તંત્ર ?
છે કોઈ જવાબ ?
છે કોઈ એવું ફાયર ફાઇટર,
મા-બાપની વ્યથાને શમાવી શકે !