એ મજાની છોકરી!
એ મજાની છોકરી!
આ ગઝલનાં રાગ જેવી એ મજાની છોકરી.
પ્રેમમાં છે બાગ જેવી એ મજાની છોકરી.
તું કદી છંછેડ એને ને પછી આવી બને,
દહેકતી આ આગ જેવી એ મજાની છોકરી.
એ સિતારે જો સજીને નીકળે એવું બને,
છે પ્રકૃતિનાં ભાગ જેવી એ મજાની છોકરી.
હાથ પકડીને હવે રોકી શકું છું આમ તો,
જો મજાનાં લાગ જેવી એ મજાની છોકરી.
એ ઝલક જોવા ઘણા ઉમટી વળે છે જે તરફ,
આ જમાને માગ જેવી એ મજાની છોકરી.
છે પ્રણય 'ને ના કહે છે એ નથી શું ચાહતી!
કે મળે ના તાગ જેવી એ મજાની છોકરી.
ને શરમથી ગાલ એનાં રક્તવર્ણા જો થયાં,
છે પલાશે ફાગ જેવી એ મજાની છોકરી.