નડતી નથી દીવાલને બાબત વિચારની
નડતી નથી દીવાલને બાબત વિચારની
નડતી નથી દીવાલને બાબત વિચારની,
માણસની આસપાસ છે હાલત વિચારની.
આંખોનું પોત સાવ ઉધાડું પડી ગયું,
ઘર ઢાંકતી તે તૂટી પડી છત વિચારની.
એનો કયો મુકામ હશે કંઇ ખબર નથી,
રઝળ્યા કરે છે આખી વસાહત વિચારની.
આંખોથી છેક દ્રશ્ય સુધી શૂન્યતાની આણ,
આવી ગઈ છે જાણે કયામત વિચારની.
લોહીમાં કોણ જાણે શું ગુનો ભળી ગયો,
રૂંવેરૂંવે ભરાય અદાલત વિચારની.