જિંદગીની રઝળપાટ

જિંદગીની આ રઝળપાટ પણ જાણે હવે થાકી છે,

અરીસાએ પણ કહી જ દીધું કે ઉમર હવે પાકી છે.

હવે આનાથી શું વધારે થવાની છે તબાહી મારી,

ગમનાં સમંદર પીધાં પછીયે પ્યાસ હજી બાકી છે.

દિલના ઉપચારમાં જ બીમારી એવી તો ફાવી ગઈ,

કે હવે હકીમની પણ મુજ દર્દીને બીક બહુ લાગી છે.

વૃક્ષારોપણ કરીને હજી તો બેઠોતો છાયાની આશમાં,

એક માળીએ જ કઠિયારો બનીને એ જ શાખ કાપી છે.

"પરમ" કહાની હોય શકે છે અહી જિંદગી હર કોઈની,

મારી હકીકતની "પાગલ" રજૂઆત તો હજુ બાકી છે.