ઝાંખી પડી...
ઝાંખી પડી...
1 min
1.3K
આ સુરજ સામે નયન ધરતાં નજર ઝાંખી પડી..
જોતજોતામાં અરુણની એ બગી પાછી પડી..
આંખ સામે દીપકોની આવતી વણઝાર જોઈ..
આમ જોને નભમંડળની ચાંદની ઝાંખી પડી..
તૂટતાં એ તારલામાં ઝંખનાઓ જાગતા..
કંઈક મૂરાદો અચાનક આંખમાં બાજી પડી..
જોઈ છે આ ધૃવ તારાની અડગતા પણ અમે..
સ્થિરતાની કેહવાતી વાયકા કાચી પડી..
ચાલતી થઈ રાત છોડી આ ગગનના સાથને..
કોણ પુરશે આ નભે રંગો, જગા ખાલી પડી..
છેવટે આવી ગયો પ્રકાશ પાથરવા રવિ..
કલરવે પંખી તણા, આ રાત જો ભાંગી પડી..
આવતા જોઈ સવારને આ "જગત"ની નાત પણ..
ભાનુના સાથે નવા સંકલ્પમા લાગી પડી..