પ્રેમ પદારથ.
પ્રેમ પદારથ.
પ્રેમ પદારથ સૌથી મોટો જાણે એ તો માણે રે.
ઉર થકી ઉદભવતોને ખરચે ન મળતો નાણે રે.
ભલભલાને ભૂલાવતો સમર્પણ એની ભાષા રે
ખોટ નફાનો ના હિસાબ પામવાની હો આશા રે.
નયન થકી એ નીકળનારો ઉર વીંધીને જંપે રે.
ગુમાવવા ગરજવાન ઝંખતનારો એ ટંકે ટંકે રે.
નાત જાતના ના હોય સીમાડા વણથંભ્યો વ્હેતો રે
અદ્રશ્ય તોય અનુભવાતો પ્રેમીજન પામી રહેતો રે.
અંતર જેનું આચ્છાદિત નવનીત કઠણ લાગે રે.
લાખ લાલચ તજીને એ નિજજનને બસ માગે રે.
વળે કદી જો હરિ કેરા રસ્તે પરમ પામી રહેતા રે.
ભવરોગ ટાળી અનાયાસે ઇશને સર્વસ્વ કહેતા રે.