સુંદર સંબંધ
સુંદર સંબંધ
1 min
1.4K
ચાહું એક સુંદર સંબંધ અકબંધ તુજથી,
રહીશું ભલેને કોષો દૂર તું મુજને હું તુજથી...
દેહથી દેહનું મિલન, એ જ મિલન એ જરૂરી નથી
થાય રુહથી રુહનું મિલન, પછી બીજું કશું જરૂરી નથી...
કરતી રહું તને પ્રેમ સદા રાધા શ્યામને કરે તેમ,
સંબંધનુ આપણા કોઈ નામ હોવું એ જરૂરી નથી...
હોય અઢળક લાગણીઓ વચ્ચે બસ આપણી,
લાગણી ભરપૂર જતાવવી એ જરૂરી નથી...
મહેસુસ કરવો છે અહેસાસ નજરમાં તારી પ્રેમનો,
પછી મારી આ નજરોનું હોવું જરૂરી નથી...