૧ એપ્રિલ, ૨૦૧૭
૧ એપ્રિલ, ૨૦૧૭
જુઓ એપ્રિલનો મહિનો આવ્યો,
સાવનની ઝડી લાવ્યો.
એપ્રિલમાં સાવન છત્રી મનભાવન;
વરસાદ મન મૂકીને વરસ્યો.
એપ્રિલ મહિનો જૂની યાદોનો મેહુલો
તનબદન ભીંજવી ગયો.
હું નહીં રહું, એ રહ્યાં નથી આજે,
નિશાનીઓ પ્રસરાવી ગયો.
પહેલી તારીખની વાટ જોતી હતી,
ગાડી ડ્રાઈવર લઈ આવ્યો.
થિયેટર મુવી ડીનર 'સન એન્ડ સેન્ડ'
બાળકો સાથે કાફલો ચાલ્યો.
હરખપદુડાં સહુ આવીને ઊભા ત્યાં;
બારણે અવાજ સંભળાયો.
ઊઠો સાસુમા, ચા પીઓ પેલા પાડોશી,
ચંપામાસીનો દેકારો સંભળાયો.
નજર સમક્ષ પેલો તારીખનો ડટ્ટો;
ખડખડાટ હસ્તો સંભળાયો.
'પહેલી એપ્રિલ' છે દીવાસ્વપ્ન ત્યજીને,
બગીચામાં ટહેલવા પગ ઉપાડ્યો!