આ હિંચકો
આ હિંચકો
1 min
7.4K
ઉદાસ થઈને ઝૂલતો હશે આ હિંચકો
રાત આખી જાગતો હશે આ હિંચકો
પડ્યો હશે સાવ સૂનો તે જ્યારથી
રાહ કોઇની જોતો હશે આ હિંચકો
આવવાનું નથી કોઈ, ખબર છે એને
એટલે જ આમ રોતો હશે આ હિંચકો
સ્વપ્નનાં મહેલ થઈ ગયા છે ખંડેર બધા
નિરાશાના આભમાં તરતો હશે આ હિંચકો
કોઈની યાદોનાં તીર વીંધી નાખે છે એને
તેથી રોજ રોજ મરતો હશે આ હિંચકો
ક્યારેક તો કોઈક આવીને બેસશે 'જશ'
એક જ આશાએ જીવતો હશે આ હિંચકો