રાખે છે
રાખે છે
1 min
13.6K
એ કઈ રીતે આ અસ્તિત્વમાં રણમાં રાખે છે,
સતત એ દોડતો મુજને હરણમાં રાખે છે.
ન તો સંબંધમાં, સંદર્ભમાં કે ઘટનામાં
સતત અભાવના વાતાવરણમાં રાખે છે
સમયની જેમ વહેંચે અનેક હિસ્સામાં,
કદી સદીમાં, કદી એક ક્ષણમાં રાખે છે
એ પાસ રાખે છે મુજને ય દૂર રાખીને,
ઉપેક્ષામાં ય પરંતુ શરણમાં રાખે છે.
કદી એ આપે તરસ માંહે તડપવાની સજા
કદી એ નીરથી ખળખળ ઝરણમાં રાખે છે
ન ખુલ્લી આંખમાં રાખે ન બંધ આંખોમાં,
છતાંય રાતદિવસ એ સ્મરણમાં રાખે છે
હનીફ એથી તાગલઝુલ છે તારી ગઝલોમાં,
કૃપા છે એની, એ તુજને ચરણમાં રાખે છે.