બાળપણ જીવવું છે
બાળપણ જીવવું છે
બાળપણના આનંદ ને ઉલ્લાસને માણવા,
શૈશવની યાદોને આજે વાગોળવા,
આજે ફરી મારે બાળપણ જીવવું છે.
ફરીથી શાળામાં ભણવા, મેદાનમાં બેફામ રમવા,
શાળાની રીશેષને પીપળાનાં પાન બિન્દાસ ખાવા,
આજે ફરી મારે બાળપણ જીવવું છે.
વિસરાયેલી રમત સંતાકૂકડી, ઇંડાંચોર ને દોડપકડ રમવી છે,
કૉપ્રોરેટાની આ જીદંગીમાં ફરી એ મિત્રો સાથે પાન ખાવા છે,
આજે ફરી મારે બાળપણ જીવવું છે.
એક ઓળમાંથી બીજી ઓળમાં સાયકલ પર ફરવું છે,
ભાગમદોડની જીદંગીમાં બેફિકર થઇને મોડા સુધી ઊંઘવું છે,
આજે ફરી મારે બાળપણ જીવવું છે.
દેખાડાનાં ચમચી, કાંટા કે નાઇફને છોડી દેવું છે,
આંગળીથી નીચે ઉતરેલા રેલાનો સ્વાદ લેવો છે,
આજે ફરી મારે બાળપણ જીવવું છે.